«нукус воқеалари» тегли мақолалар
Нукус воқеалари бўйича судланувчиларнинг 22 нафардан 16 таси апелляция берди
Нукус воқеалари бўйича судланган 22 нафар судланувчидан 16 нафари суд қарори устидан апелляция шикояти билан мурожаат қилди. Улар орасида февраль ойи бошида тергов изоляторида вафот этган Қорақалпоғистон Ички ишлар вазирлиги Жиноят қидирув бошқармаси собиқ бошлиғи Полат Шамшетов ҳам бор.
Нукус воқеалари бўйича маҳкумларнинг яқинлари улар билан қўшимча учрашувлар ташкил этишни сўрамоқда — комиссия
Нукус воқеаларини ўрганиш бўйича комиссия маҳкумларнинг яқинлари улар билан қўшимча учрашувлар ташкил этишни сўраб мурожаат қилганини ва масала кўриб чиқилаётганини билдирди. «Газета.uz»га маълум бўлишича, судланганларнинг аксарияти апелляция аризаси билан мурожаат қилган.
«Алға Қарақалпақстан» партияси етакчиси Нукус воқеалари бўйича айбланмоқда
Аманбай Сагидуллаев («Алға Қарақалпақстан» партияси етакчиси, Норвегияда яшайди) ва Ниетбай Уразбаев (Қозоғистондаги қорақалпоқ диаспораси вакили) Нукус воқеалари бўйича жиноий ишда айбланмоқда. Суд уларнинг иштирокисиз бўлиб ўтяпти.
«Интернетдаги провокацияларга эргашманг» — Нукус воқеалари бўйича судланувчи Есимкан Қанаатов
Нукус воқеалари бўйича 39 нафар судланувчи қаторида журналист Есимкан Қанаатовга ҳам ҳукм ўқилди. У шартли равишда озодликка чиқарилди. Интервью давомида Қанаатов Даулетмурат Тажимуратовнинг «агитацияларига алданиб қолгани»ни айтди ва халқдан «интернетдаги провокацияларга эргашмаслик»ни сўради.
Нукус воқеалари бўйича яна 39 нафар судланувчига нисбатан суд ҳукми ўқилди
17 март куни Бухоро вилояти судида Нукус воқеаларида қатнашганликда гумонланган яна 39 нафар шахсга нисбатан суд ҳукми ўқиб эшиттирилди. Уларнинг 28 нафарига 5 йилдан 11 йилгача қамоқ жазоси тайинланди. 11 нафар айбланувчи эса шартли равишда суд залидан озод қилинди.
Нукус иши бўйича 39 нафар судланувчининг ҳукмлари 17 март куни эълон қилинади
Ўтган йил июль ойида Қорақалпоғистонда содир бўлган воқеалар бўйича 39 нафар судланувчига нисбатан ҳукмлар 17 март куни эълон қилинади.
Нукус воқеалари бўйича янги иш фигурантларига 5 йилдан 12 йилгача қамоқ жазоси бериш сўралди
Прокурор суддан Нукус воқеалари бўйича судланаётган 37 нафар шахсга 5 йилдан 12 йилгача озодликдан маҳрум қилиш, 2 нафарига эса озодликни чеклаш жазоси беришни сўради. Адвокатлардан бири прокуратуранинг айбловларидаги барча моддалар уларни рад этувчи далилларга қарамай ўзгаришсиз қолганини айтди.
Нукус воқеалари бўйича 3 нафар ҳуқуқ-тартибот идораси ходими қамоққа олинди
Ҳуқуқ-тартибот идораларининг 3 нафар ходими июль ойида содир бўлган Нукус воқеаларида ноқонуний хатти-ҳаракатлар содир этганликда айбланди. Бош прокуратурага кўра, улар қамоққа олинди.
Қорақалпоғистон воқеалари бўйича янги ишда 39 нафар судланувчи нималарда айбланмоқда?
Нукус воқеалари бўйича янги иш бўйича суд жараёнида прокуратура 39 нафар айбланувчига оммавий тартибсизликлар уюштириш, сепаратистик ғояларни тарқатиш, ҳуқуқ-тартибот идоралари ходимларига ҳужум қилиш, автомашиналарга ўт қўйиш ва йўлларни тўсиб қўйиш каби айбловларни ўқиб эшиттирди.
Нукус воқеалари бўйича янги суд жараёни бошланди. 39 нафар судланувчига айблов эълон қилинди
Ўтган ёзда Қорақалпоғистонда содир бўлган воқеаларда иштирок этганликда гумон қилинган яна 39 нафар фуқаро устидан Бухорода суд жараёни бошланди. Улар орасида банк ҳуқуқшуноси, адвокат, журналистлар, ҳайдовчилар, ишсизлар ва бошқалар бор. Уларга нисбатан жиноий иш қўзғатилди.
Полат Шамшетов юрак хуружидан вафот этган — Бош прокуратура
Бош прокуратура Нукус воқеалари бўйича судланган Полат Шамшетов ўлими юзасидан тайинланган суд-тиббий экспертизаси натижасини эълон қилди. Унга кўра марҳум ўпка артерияси тромбоэмболияси, ўткир юрак-қон томири етишмовчилиги оқибатида вафот этган.
Нукус воқеаларининг яна 39 нафар иштирокчиси устидан суд 6 февраль куни бошланади
Қорақалпоғистон воқеаларининг яна 39 нафар иштирокчиси устидан суд жараёни 6 февралда бошланади. Айбланувчилар ЖКнинг «талончилик», «оммавий тартибсизликлар», «ноқонуний ўқотар қурол сақлаш» ва бошқа моддаларида айбланмоқда. Баъзи айбланувчиларнинг қаердалиги бир неча ой давомида номаълум эди.
Нукус иши бўйича ҳукм чиқарилганда суд залида нималар содир бўлди — «Газета.uz» репортажи
Каллиханованинг шартли ҳукмини зал олқишлади, Тажимуратов унинг елкасига қоқиб қўйди. Тажимуратов ҳукми охирги бўлиб эълон қилинди. У ҳукмни тинглаётганда ҳайрон эмаслигини кўрсатиб, бошини қимирлатди ва бир неча марта муштини кўтарди. Ҳукм қандай чиқарилгани — «Газета.uz» репортажида.
Даулетмурат Тажимуратовнинг қийноқлар ҳақидаги баёноти текширилиши керак — HRW
Human Rights Watch ташкилоти Даулетмурат Тажимуратовнинг ҳибсда қийноққа солингани ҳақидаги даъволари текширилиши кераклигини билдирди. Инсон ҳуқуқлари ташкилоти, шунингдек, «ҳуқуқ-тартибот органлари асоссиз ўқотар қуролдан фойдалангани учун» ҳануз ҳеч ким жазоланмаганини эслатиб ўтди.
«Адолатсиз ҳукм чиқарилди» — Даулетмурат Тажимуратовнинг укаси
Нукус воқеалари иши бўйича 16 йилга қамалган Даулетмурат Тажимуратовнинг укаси Ринат Тажимуратов «Газета.uz»га берган интервьюсида суд иши ва апелляция бериш режалари ҳақида гапирди. Унинг айтишича, айблов «тўлиқ ютқазди», акасининг айби ва ташқи кучларнинг эҳтимолий таъсирини исботлай олмади.
АҚШ яна бир бор Ўзбекистонни Нукус воқеалари пайтида хавфсизлик кучлари қонунни бузган бўлса, уларни жазолашга чақирди
Қорақалпоғистондаги воқеалар иши бўйича 22 айбланувчи устидан суд жараёни якунлангач, АҚШ Ўзбекистон ҳукуматини жамоатчилик шаффофлиги бўйича ўз мажбуриятларини бажаришга, шунингдек, қонунларни бузган хавфсизлик кучларини жавобгарликка тортишга чақирди.
«Судда Тажимуратовга қарши келишиб олганимиз йўқ» — Нукус воқеалари бўйича судланувчи Аҳмет Сметуллаев
Одамларни тартибсизликларга жалб қилишда айбланган Нукус воқеалари иштирокчиси Аҳмет Сметуллаев шартли жазо олиб, суд залидан озод қилинди. У ОАВ билан учрашувда «имконият бергани учун» президент Мирзиёевга раҳмат айтиб, ўзини «Даулетмурат Тажимуратовни сотган» деб ҳисобламаслигини билдирди (видео).
«Мен сотқин эмасман. Тажимуратовнинг ўзи ҳақиқий сотқин» — Нукус воқеалари бўйича судланувчи Азамат Нуратдинов
Қорақалпоғистондаги июль воқеаларида «етакчилик қилиш»да айбланган Азамат Нуратдинов 31 январь куни суд залидан озод қилинди. Нуратдинов журналистларга ўзини сотқин деб ҳисобламаслигини, энди «охирги нафасигача» Тажимуратовга ўхшаган «ифлос»га қарши курашишини маълум қилди (видео).
Лолагул Каллиханова — энг катта хатоси, «Эхо-камера» ва суд иши ҳақида
Қорақалпоғистон воқеалари иши юзасидан айбли деб топилган ва шартли равишда озод қилинган Лолагул Каллиханова ўзининг энг катта хатоси, «Эхо-камера»га қандай тушиб қолгани ва чиқиб кета олмагани, қолаверса, суд фаолияти ҳақида сўзлаб берди.
Фоторепортаж: Қорақалпоғистон воқеалари бўйича ҳукмлар эълон қилинди
Суд Нукус воқеалари бўйича жиноят ишини кўриб чиқишни якунлаб, 22 нафар судланувчига ҳукм эълон қилди. Айбланувчиларнинг айримлари дуога қўл очган бўлса, яқинлари кўз ёшларини тия олмади, ҳукм эълон қилинганидан кейин маҳкумлардан бирининг онаси ҳушини йўқотди. «Газета.uz» фоторепортажи.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг